"Operativ Media" xəbər verir ki, yanğın Sidneyin mərkəzi ticarət küçəsində yerləşən yeddimərtəbəli binada baş verib. Yanğın o qədər güclü olub ki, hətta binanın divarları çöküb. Hadisə yerinə 30-dan çox yanğınsöndürən maşın, 120 şəxsi heyət cəlb edilib. Alovlarla mübarizə gecə boyunca davam edib. Səhərin erkən saatlarında yanğını lokallaşdırmaq mümkün olub. Dəhşətli yanğın zamanı ölən və xəsarət alan olmayıb. Yüzlərlə sakin təxliyə edilib. Yanğının səbəbi araşdırılır.
