Daha əvvəl Super Liqa komandalarından “Beşiktaş” və “Sivasspor”un heyətlərində yer alan, uğursuz və qısa ömürlü olsa da “Barselona” forması geyinen Duqlasın başı bəlaya düşüb.

"Operativ Media" Braziliya mətbuatına istinadən xəbər verir ki, braziliyalı futbolçu odlu silahdan istifadə etdiyi üçün həbs olunub.

Duqlasın gecə yarısı avtoparkda sənədsiz silahından atəş açdığı və polis gələrkən onu meşədə gizlətdiyi öyrənilib.

32 yaşlı futbolçu 2022-ci ilin yayında Beşiktaşdan ayrıldıqdan sonra klubsuzdu. Braziliyalı futbolçu Superliqada 37 oyuna çıxıb.