Xavi Lionel Messini niyə komandasında görmək istədiyini açıqladı

Argentinalı futbolçu Lionel Messi 2022/23 Liqa 1 çempionluğunu şənbə günü "Strasburq"la 1-1 bərabərə qalan PSJ ilə qazandı.

"Operativ Media" İspaniya mətbuatına istinadən xəbər verir ki, Messinin yenidən "Barselona"ya qayıdacağı dedi-qoduları dolaşır. Baş məşqçi Xavi keçmiş komanda yoldaşı Messi ilə yenidən işləməyi səbirsizliklə gözləyir.

Xavi İspaniya mətbuatı SPORT-a verdiyi eksklüziv müsahibədə yenidənqurma zamanı  Messi ilə yenidən müqavilə imzalamağın məntiqli olub-olmaması ilə bağlı suala belə cavab verib:

"Bəli, bu, mənim üçün məntiqlidir. Düşünürəm ki, bu futbol səviyyəsində hələ də çox məna kəsb edir"

"Mən bu klubda futbola cavabdehəm.Messi qayıtsa, futbolun səviyyəsini yüksəltməkdə bizə kömək edəcək və buna şübhəm yoxdur.Bu barədə prezidentə məlumat vermişəm".

 "Çünki o, hələ də həlledici oyunçudur, çünki o, hələ də futbola acdır, çünki o, qalib oyunçudur, çünki həm liderdir, həm də fərqlidir".

 "O, 2010-cu ildəki bacarıqlara sahibdir. Messi bizə nə əlavə edə bilər? İstedad, son ötürmə, gözəl qollar. O, hücum xəttində fərq yaradan oyunçudur".

" Komandamı necə oynatmaq istədiyim, komandamızın necə oynamaq istədiyi aydındır. Onun bizə çox şey qatacağına şübhəm yoxdur, amma bu, ondan asılıdır".

"Düşünürəm ki, hələ qarşıda çox yüksək səviyyədə futbol oynayacağı illər var. Hazırda çox ümid edirəm ki, komandaya gəlib bizə kömək edə bilər".