Azərbaycan çempionatının ən bahalı futbolçusu bəlli oldu

Dünyanın ən nüfuzlu “Transfermarkt” portalı oyunçuların qiymətini yeniləyib.

"Operativ Media"nın məlumatına görə, siyahıda Misli Premyer Liqasında çıxış etmiş futbolçular da var. Azərbaycanın ən bahalı oyunçusu Emin Mahmudovdur.

“Neftçi”nin kapitanın dəyəri 1,4 milyon avro olaraq göstərilib. İkinci pillədə “Qarabağ”ı tərk edən Ramil Şeydayev yer alır. 27 yaşlı forvardın transfer qiyməti 400 min artaraq, 1,2 milyon avroya çatıb.

Ağdam klubunun forvardı Musa Qurbanlı, yarımmüdafiəçisi Yassin Benzia və icarə əsasında “Sabah”da çıxış edən Aleksey Kaşuk 3-5-ci yerləri bölüşdürür – 1 milyon avro.

“Sabah”ın qapıçısı Yusif İmanov da siyahıda böyük irəliləyişə nail olub. Qiyməti 300 min avro artan gənc qolkiper 700 min avroluq transfer dəyəri ilə 12-17-ci yerləri bölüşdürür.