"Sevilya" Avropa Liqasının qalibi oldu

Bu gün Avropa Liqasında 2022/2023 mövsümünün qalibi məlum olub.

"Operativ Media" xəbər verir ki, Macarıstanda "Puşkaş Arena"da baş tutan final görüşündə İtaliyanın "Roma" və İspaniyanın "Sevilya" komandaları üz-üzə gəlib. Matçın əsas vaxtı 1:1 hesablı heç-heçəylə başa çatıb. Bundan sonra əsas vaxta hərəsi 15 dəqiqə olmaqla iki hissə artırılıb. Əlavə vaxtda da komandalar fərqlənə bilmədiyi üçün, qalib penaltilər seriyasında bilinib. Penaltilərdə qalib gələn "Sevilya" 2022-2023 mövsümündə Avropa Liqasının qalibi olub. Komanda 7-ci dəfə bu turnirin qalibi olur.

Avropa Liqası

Final

31 may

23:00 Sevilya (İspaniya) - Roma (İtaliya) - 1:1

Qollar: Mancini, 55 (a/q) - Dibala, 35

Penaltilər: 4:1

Baş hakim: Entoni Teylor (İngiltərə)