"Fortuna Sittard"la yollarını ayıran təcrübəli hücumçu Burak Yılmaz keçirdiyi mətbuat konfransında futbolçu karyerasını bitirdiyini açıqlayıb.
"Operativ Media" xəbər verir ki, Hollandiyanın "Fortuna Sittard" komandası ilə vidalaşan Burak Yılmaz karyerasını bitirərək yeni səhifə açmağa hazırlaşır.
Klub səviyyəsində 555 oyun keçirən Burak Yılmaz 267 qol vurub, 77 məhsuldar ötürmə edib.
Türkiyə milli komandasının formasını da 77 oyunda geyinən Burak Yılmaz 31 qolla millinin tarixində ən çox qol vuran 2-ci futbolçu kimi tarixə düşüb.
