Ukrayna ordusu bəzi ərazilərdə Rusiya ordusunu geri çəkilməyə məcbur edib
Ukrayna Silahlı Qüvvələrinin Cənubi Donetsk istiqamətində hücumu dayandırılıb. Bu barədə Rusiya Müdafiə Nazirliyi açıqlama yayıb.
"Operativ Media" xəbər verir ki, “Ukrayna ordusu 1500-dən çox hərbçisini itirib. Məhv edilən 28 tankdan 8-ni Almaniya istehsalı olan "Leopardlar", 3-ü isə Fransa istehsalı olan AMX-10 tankı təşkil edir” – deyə məlumatda bildirilib. Ukrayna müdafiə nazirliyi isə şərq cəbhəsində əks-hücum əməliyyatının uğurlu olduğunu açıqlayıb. Ukrayna Silahlı Qüvvələri Baxmut yaxınlığında 1,5 km-dən çox irəliləyərək Baxmutun cənubundakı dominant yüksəklikləri tutublar, nəticədə Rusiya ordusu müdafiəyə keçmək məcburiyyətində qalıb. Ukrayna prezident Vladimir Zelenski axşam videomüraciətində əks-hücum əməliyyatı barədə danışıb. “Rusiya Ukrayna hərbçilərinin Donetsk bölgəsindəki uğurlarını isterik şəkildə qəbul edir. Düşmən bilir ki, Ukrayna qalib gələcək. Onlar bunu xüsusən Donetsk vilayətində hiss edirlər" – deyə Zelenski vurğulayıb.
