Türkiyənin Qaradəniz bölgəsində leysan qəfil selə və subasmaya səbəb olub.

"Operativ Media" xəbər verir ki, Amasya və Samsunda iki nəfəri sel aparıb. Onların cansız bədənləri axtarış-xilasetmə işləri nəticəsində tapılıb. Amasyada itkin düşən bir nəfərin axtarışları davam edir. Kastamonu və Sinopda çoxlu sayda yaşayış evlərinə su dolub. İnsanlar təxliyə edilib. Bir neçə qəsəbədə yollar çöküb, şəhər mərkəzləri ilə nəqliyyat əlaqəsi kəsilib. Meteoroloji stansiya narıncı kodlu xəbərdarlıq elan edib. Qeyri-sabit hava şəraitinin davam edəcəyi bildirilib.