İranın İnqilab Keşikçiləri Korpusuna aid 3 mühafizə kateri Hörmüz boğazında naməlum ticarət gəmisinə hücum edib.

"Operativ Media" xəbər verir ki, bu barədə ABŞ donanması məlumat yayıb. Bildirilib ki, dərhal ABŞ hərbi dəniz qüvvələrinin gəmisi və Böyük Britaniya Kral donanmasına aid friqat insidentə müdaxilə edib. Havaya helikopter qaldırılıb. SEPAH-ın katerləri geri çəkilməyə məcbur olub. Kommersiya gəmisi öz yoluna davam edib. İnsidentin ağ-qara fotolarını ABŞ-ın Boeing Poseidon təyyarəsi lentə alıb. ABŞ donanması İranın Hörmüz boğazındakı hərəkətlərini “dəniz quldurluğu” adlandırıb.