Premyer Liqa nəhəngi "Mançester Yunayted" "Fiorentina" klubunun mərakeşli futbolçusunu transfer etmək üçün hərəkətə keçib.

"Operativ Media" xəbər verir ki, Sofyan Amrabat dünya çempionatında Mərakeşin yarımfinala çıxmasına böyük töhfə vermiş və bir çox komandanın transfer hədəfinə çevrilmişdi.

 Seriya A klubunun bu yay Amrabatın komandadan ayrılmasına icazə verəcəyi bildirilir. "Liverpul və "Mançester Yunayted" oyunçunu transfer etmək üçün hərəkətə keçib.

Futbolçu özü də İngiltərə Premyer Liqasında oynamaq istədiyini bildirib.

"Bir gün orada oynamaq yaxşı olardı, amma təkcə İngiltərə deyil, Serie A və La Liqa da çox yaxşı liqalardır. İndi futbol çox dəyişib. Futbol daha fiziki oyundur. Temp və intensivlik çox yüksək səviyyədədir. .

 "Əlbəttə, İngiltərədə intensivlik daha yüksəkdir, buna görə də Premyer Liqanın mənə uyğun olacağını düşünürəm."