Rumıniyada minlərlə həkim etiraz aksiyası keçirib

Rumıniyanın paytaxtı Buxarestdə minlərlə səhiyə işçisi etiraz aksiyası keçirib.

"Operativ Media" xəbər verir ki, hökumət evi qarşısında toplaşan həkimlər maaşların artırılmasını tələb ediblər. Onlar həmçinin ölkədə durmadan artan inflyasiyaya görə də hökuməti tənqid ediblər. Ağ xalatlılar tələbləri yerinə yetirilmədiyi halda yaxın günlərdə tətillərə başlayacaqlarını elan ediblər. Xatırladaq ki, daha əvvəl Rumıniya polisi və penitensiar xidmətin işçiləri də oxşar səbəblərdən etiraz aksiyaları keçiriblər.