Yaponiyada 6,2 maqnitudada zəlzələ baş verib

Yaponiyanın şimalındakı Hokkaydo adası yaxınlığında 6,2 maqnitudada zəlzələ qeydə alınıb.

"Operativ Media" xəbər verir ki, bu barədə ölkənin Milli Meteorologiya İdarəsi məlumat yayıb.

Yeraltı təkanların episentri adanın cənub hissəsində, Sakit okeanın 140 km dərinliyində yerləşib.

Tələfat və dağıntılar barədə məlumat yoxdur. Zəlzələ bütün Hokkaydo prefekturasında, eləcə də Honsyu adasının şimal hissəsində hiss olunub.