"Ferrari" yarım əsrlik fasilədən sonra "24 saat Le Mans" yarışında qalib olub

Dünyanın ən məşhur və populyar avtomobil yarışlarından biri olan "24 saat Le Mans" Marafonu 100 illik yubileyini qeyd edib.

"Operativ Media" xəbər verir ki, İtaliyanın "Ferrari" komandası Marafonunun əsas sinfi olan "hiperkar"lar arasında qalib olub. Yarışda ikinci yeri Yaponiyanın "Toyota" komandası, üçüncü yeri isə ABŞ-ın "Cadillac" komandası tutub. Qeyd edək ki, "Ferrari" 1973-cü ildən bəri ilk dəfə olaraq marafonun əsas sinfində iştirak edib və 50 illik fasilədən sonrakı qayıdışını qalib kimi başa vurub.