İstanbulun Beşiktaş bölgəsində içərisində 15 sərnişin olan yaxta batıb.

"Operativ Media"-nın məlumata görə, 15 nəfərlik qrup icarəyə götürdükləri yaxta ilə boğaza doğru yola düşüb. Yaxtaya suyun dolduğunu anlayan kapitan Bebek limanına yaxınlaşaraq sərnişinləri təxliyyə edib. Daha sonra yaxta suya qərq olub. İnsident nəticəsində xəsarət alan olmayıb. Yaxta dalğıclar və kranın köməyi ilə sudan çıxarılıb.