Ukrayna ordusu bir sıra yaşayış məntəqələrini azad edib

Ukrayna Müdafiə Nazirliyi Donetsk regionunda əks-hücum əməliyyatlarının “ilk uğurlu nəticəsi” barədə məlumat yayıb.

"Operativ Media" xəbər verir ki, Donetsk vilayətinin Blaqodatnı və Makarovka yaşayış məntəqələri Rusiya hərbçilərindən azad edilib. Nazirlik Baxmut bölgəsində əks-hücum əməliyyatlarının davam etdiyini açıqlayıb. "Berxovsk su anbarı ərazisində uğur var. Qoşunlarımız 250 metr irəliləyib. Cənubda iki istiqamətdə 300 metrdən 1 500 metrə qədər irəliləyiş var", - deyə məlumatda bildirilib. Ukrayna Silahlı Qüvvələrinin Quru Qoşunları Blaqodatnının Rusiya hərbçilərindən azad edildiyini rəsmən təsdiqləyib. 7-ci əlahiddə AREY UDA batalyonu isə Blaqodatnı və Makarovkadan əlavə Neskuçne yaşayış məntəqəsinin də geri alındığını açıqlayıb.