Bayden əməliyyat olunacaq

ABŞ Prezidenti Cozef Bayden iltihablı pulpanın çıxarılması üçün diş əməliyyatı keçirəcək.

"Operativ Media" xəbər verir ki, bu barədə Ağ Ev məlumat yayıb.

Qeyd olunub ki, Bayden iyunun 11-də diş ağrısından şikayət edib. Mütəxəssislər onu müayinə edib əməliyyata qərar veriblər:

“Bu səhər o, gözlənilən bir az narahatlıq yaşayır”.

Bundan əvvəl ABŞ Prezidenti Cozef Bayden Koloradoda Hərbi Hava Qüvvələri Akademiyasının məzunlarını təbrik edərkən səhnədə yıxılıb.