"İnter" müdafiəçisi ilə razılığa gəldi

İtaliyanın "İnter" klubu futbolçusu Stefan De Vreylə razılıq əldə edib.

"Operativ Media" xəbər verir ki, müqaviləsi başa çatan oyunçu ilə danışıqlar müsbət yekunlaşıb. O, komandası ilə 2025-ci ilə qədər yeni müqavilə imzalayacaq. 2018-ci ildən "İnter"in formasını geyinən oyunçu ötən mövsüm 38 oyunda forma geyinib, 1 qol vurub.

31 yaşlı müdafiəçini "Qalatasaray" azad agent kimi transfer etmək istəyirdi.