İndoneziya Qətərdən təxminən 792 milyon dollara Fransa istehsalı olan 12 Mirage 2000-5 döyüş təyyarəsi aldığını açıqlayıb.

"Operativ Media" xəbər verir ki, İndoneziyanın “Kompas” qəzetinin xəbərinə görə, Müdafiə Nazirliyindən verilən yazılı açıqlamada Qətərdən alınan döyüş təyyarələrindən 9-nun tək, 3-nün isə iki yerlik olduğu bildirilib.

Açıqlamada Mirage 2000-5 döyüş təyyarələri üçün Qətərlə 792 milyon dollarlıq müqavilənin edildiyi və təyyarələrin 24 ayda təhvil veriləcəyi bildirilib.