Türkiyənin “Baykar” müəssisəsinin istehsalı olan “Kemankeş” mini ağıllı qanadlı raketi Ədirnədəki Keşan poliqonunda PUA-dan ilk atış sınağını müvəffəqiyyətlə tamamlayıb.

"Operativ Media" xəbər verir ki, atış testini yerinə yetirmək üçün Keşandakı Baykar Uçuş Tədris və Sınaq Mərkəzindən havaya qalxan “Bayraktar TB2” PUA-sı “Kemankeş” ilə 20 kilometr məsafədən atəş açıb. Yerli reaktiv mühərriki ilə təchiz olunan raket 33 kilometrlik yolu yüksək sürətlə qət edib. Sursat müəyyən edilmiş hədəf bölgəsinə çataraq tapşırığı yerinə yetirib. Qeyd edək ki, “Kemankeş” ilk dəfə olaraq “Bayraktar TB2”yə inteqrasiya edilib.