2022-23 mövsümündən əvvəl "Nant"dan Almaniya komandalarından "Ayntraxt Frankfurt"un pulsuz transfer etdiyi Randal Kolo Muani Bundesliqadakı çıxışı ilə diqqət çəkib.

"Ayntraxt Frankfurt"un 5 illik müqavilə bağladığı Randal Kolo Muani bu mövsüm bütün turnirlərdə 46 oyunda 23 qol vurub, 17 məhsuldar ötürmə edib.

"Operativ Media" "RMC Sport"a istinadən xəbər verir ki, "Real Madrid" hücumçu ilə maraqlanır.

Xəbərin təfərrüatlarında "Ayntraxt Frankfurt"un Randal Kolo Muani üçün 80 milyon avro istədiyi bildirilib.

Randal Kolo Muani Bundesliqada mövsümü 15 qol və 14 məhsuldar ötürmə ilə başa vurub.