"Avtovaz" "Lada X-Cross 5"in istehsalına başlayıb

"Avtovaz" Çin istehsalçısı ilə birgə Sankt-Peterburqdakı keçmiş Nissan zavodunda avtomobil istehsalına yenidən başlayıb.

"Operativ Media" "TASS"a istinadən xəbər verir ki, ilk model Lada X-Cross 5 krossoveri olub.

Şəhər krossoveri 160 at güclü turbomühərrik və 7 pilləli avtomatik transmissiya ilə təchiz edilib. Avtomobil ADAS intellektual təhlükəsizlik sistemləri ilə təchiz olunub: sürücünün yorğunluğuna nəzarət, zolaqdan çıxma xəbərdarlığı, adaptiv uzun şüa keçidi, hərtərəfli görünmə sistemləri, təcili əyləc. Korpus panoramik dam ilə təchiz olunub. İnteryer eko-dəri, yumşaq plastik və taxta əlavələrlə idman üslubunda hazırlanmışdır.