Rusiyanın Vladiqafqaz şəhərində güclü yağışdan sonra yaranan daşqınlar səbəbindən fövqəladə vəziyyət elan edilib.

"Operativ Media" TASS-a istinadən xəbər verir ki, ötən gün yağan güclü yağış nəticəsində Vladiqafqazda 5 küçə su altında qalıb, elektrik enerjisi qismən kəsilib. Priqorodnıy rayonunun İr kəndində də işıq sönüb. Yujnı və Oktyabrskoye kəndlərində evləri su basıb.

Şəhərdə güclü yağışlardan sonra baş vermiş daşqınlarla əlaqədar fövqəladə vəziyyət elan edilib. Bu barədə şəhər administrasiyasının teleqram kanalı məlumat yayıb.

“Komissiyanın qərarına əsasən, saat 18:00-dan etibarən şəhərdə fövqəladə vəziyyət rejimi tətbiq edilir”, - məlumatda deyilir.