Papanın sülh elçisi kardinal Matteo Zuppi iyunun 28-29-da Moskvaya səfər edəcək.

"Operativ Media" xəbər verir ki, bu barədə Müqəddəs Taxt-Tacın mətbuat xidməti məlumat yayıb.

“İtaliya Yepiskoplar Konfransının prezidenti və Bolonya arxiyepiskopu kardinal Matteo Zuppi Roma Papası Fransiskin elçisi kimi iyunun 28-29-da Moskvaya səfər edəcək”, - deyə məlumatda bildirilir. 

Bildirilib ki, səfərin əsas məqsədi ədalətli sülhə nail olmaq üçün mövcud vəziyyətdən çıxış yolu axtarışlarına töhfə verməkdir.