Burkina Fasoda terror nəticəsində 34 nəfər ölüb

Burkina Fasonun şimalında törədilən terror aktında 34 nəfərin öldüyü açıqlanıb. 

"Operativ Media" xarici mətbuata istinadən xəbər verir ki, yerli mənbələrdən alınan məlumata görə, naməlum silahlı şəxslər Sentr-Nord bölgəsində yerləşən hərbi hissəyə hücum ediblər.

Hadisədə 31 əsgər və 3 könüllü milis həyatını itirib, 40 terrorçu zərərsizləşdirilib.

2015-ci ildə Burkina Fasoda baş verən təhlükəsizlik böhranı nəticəsində 2 milyondan çox insan evlərini tərk etmək məcburiyyətində qalıb. Hökumətin məlumatına görə, bu insanların yalnız 120 000-i evlərinə qayıda bilib.