Duda: "Rusiyanın hücumlarına baxmayaraq, Ukrayna qalib gələcək"

Polşa prezidenti Duda, Litva prezidenti Gitanas Nauseda və Ukrayna prezidenti Volodimir Zelenski Ukraynanın paytaxtı Kiyevdə mətbuat konfransı keçirib.

"Operativ Media" xəbər verir ki, konfransda çıxış edən Duda deyib: 

"Vaqner" hərbi şirkəti və Rusiya Belarusda nüvə silahı yerləşdirəcəklərini açıqlamışdı. Polşa və bölgəsində təhlükəsizlik şərtləri artıq dəyişib".

Ukraynanın təhlükəsizliyinin bütün Avropanın təhlükəsizliyi olduğunu söyləyən Duda qeyd edib: “Rusiyanın hücumlarına baxmayaraq, Ukrayna qalib gələcək. Biz mümkün olan hər şeyi edirik ki, NATO-nun Vilnüs sammiti mümkün qədər həlledici olsun və Ukraynanın NATO-ya üzvlüyü ilə bağlı aydın perspektiv formalaşsın”. 

Litva prezidenti Nauseda da bəyan edib ki, 2014-cü ildən Ukrayna öz konstitusiyasını “qanla” yazıb və müstəqilliyini müdafiə edib: “Ukrayna xalqına çatdırmaq istədiyim mesaj budur: Ukrayna heç vaxt tək olmayacaq. Ukrayna Avropa ailəsinə aiddir”.