KİV: Bağdadda etirazçılar İsveç səfirliyinə basqın ediblər

Stokholmdakı məscid yaxınlığında Quranın açıq şəkildə yandırılmasına etiraz edən bir qrup iraqlı cümə axşamı günü Bağdaddakı İsveç səfirliyinin ərazisinə basqın edib.

"Operativ Media" xəbər verir ki, bu barədə İraqın "Shafaq News" xəbər agentliyi məlumat yayıb.

Agentliyin məlumatına görə, İsveç səfirliyinin binası yaxınlığında yüzdən çox etirazçı toplaşıb.

"Alsumaria" telekanalı bildirib ki, etirazçılar müsəlmanların müqəddəs kitabının təhqir olunmasına etiraz olaraq İsveç səfirinin İraqdan çıxarılmasını tələb edib.