İƏT Qurani-Kərimə və Peyğəmbərə hörmətsizlik edilməsinə qarşı tədbir görməyə çağırıb

İslam Əməkdaşlıq Təşkilatı (İƏT) Quranın və Məhəmməd peyğəmbərin dəfələrlə təhqir olunmasına qarşı “kollektiv tədbirlər” görməyə çağırıb.

"Operativ Media" xəbər verir ki, İslam Əməkdaşlıq Təşkilatının İsveçdə Qurani-Kərimin yandırılması ilə bağlı Səudiyyə Ərəbistanının Ciddə şəhərində keçiriləcək fövqəladə toplantısından əvvəl baş katib Hüseyn İbrahim Taha mövzu ilə bağlı yazılı açıqlama verib:

"Qurani-Kərimə və Peyğəmbərə hörmətsizlik və təhqir adi islamofob hadisələr deyil. Biz dini nifrətin qarşısını almaq üçün beynəlxalq hüququn tətbiqinin vacibliyini vurğulayırıq". 

Taha üzv ölkələri Qurani-Kərimə və Peyğəmbərə qarşı hörmətsizlik və təhqirlərə qarşı durmaq üçün həmrəy olmağa dəvət edib.

Xatırladaq ki, İsveçin paytaxtı Stokholmda İraq əsilli Salvan Momika adlı şəxs iyunun 28-də, Qurban bayramının ilk günündə Stokholm məscidinin qarşısında polisin mühafizəsi altında Quranı yandırıb.