Belarusun Haaqadakı səfirliyinə naməlum şəxslər tərəfindən hücum edilib

Belarusun Haaqadakı səfirliyi bazar günü naməlum şəxslər tərəfindən hücuma məruz qalıb

"Operativ Media" xəbər verir ki, bu barədə səfirlik məlumat yayıb. 

"Hadisə iyulun 2-də səhər saatlarında baş verib", - deyə səfirlik hücumçuların pəncərələri sındıraraq fasada zərər verdiyini bildirib.

"Hücum edənlər Hollandiya polisi tərəfindən saxlanılıb", - məlumatda qeyd edilib.

Hollandiya televiziyasının məlumatına görə, hücumçular səfirliyin binasına daş atıb, bir neçə pəncərəni sındırıb və onun divarlarına müxtəlif şüarlar yazıblar, o cümlədən Belarus prezidenti Aleksandr Lukaşenkonu terrorda ittiham ediblər.