Bayden Böyük Britaniya, Litva və Finlandiyaya səfər edəcək
ABŞ prezidenti Co Baydenin Böyük Britaniya, Litva və Finlandiyaya səfər edəcəyi bildirilir.
"Operativ Media" xəbər verir ki, bu barədə Ağ Evin mətbuat katibi Karine Jean-Pierre yazılı açıqlama verib.
"Prezident Baydenin 9-13 iyul tarixlərində Böyük Britaniya, Litva və Finlandiyaya səfəri planlaşdırılır", - deyə diplomat qeyd edib.
Baydenin Londonda ilk görüşünü "iki ölkə arasındakı yaxın münasibətləri daha da gücləndirmək üçün" Kral III Çarlz və baş nazir Rişi Sunakla keçirəcəyi, daha sonra NATO-nun 74-cü Sammitində iştirak etmək üçün Litvanın paytaxtı Vilnüsə gedəcəyi bildirilib.
Açıqlamada ABŞ prezidentinin iyulun 13-də keçiriləcək ABŞ-Skandinaviya Liderləri Sammitində iştirak etmək üçün Finlandiyanın Helsinki şəhərinə səfər edəcəyi də vurğulanıb.
