Amerikalı milyarder İlon Mask yenidən dünyanın 500 ən varlı adamının reytinqinə başçılıq edir.

"Operativ Media" xəbər verir ki, Maskın sərvəti 234 milyard ABŞ dollarıdır. Bu barədə “Bloomberg” məlumat yayıb. Bu statistikaya görə, 2023-cü ilin birinci yarısında Maskın sərvəti 96,6 milyard dollar artıb. Reytinqdə ikinci yeri sərvəti 200 milyard dollar olan fransız lüks mallar istehsalçısı LVMH (Louis Vuitton - Moet Hennessy) şirkətinin sahibi Bernar Arno tutub. Qeyd edək ki, dünyanın ən varlı 500 adamı ilin birinci yarısında sərvətlərini ümumilikdə 852 milyard dollar artırmağa nail ola biliblər.