Rusiya Ukraynanın şərqinə 180 min əlavə qoşun yeridir

Rusiya Ukraynanın şərqindəki 2 əsas cəbhəyə - Liman və Kupianska əlavə 180 min qoşun yeridir.

"Operativ Media" xəbər verir ki, bununla bağlı görüntüləri Ukrayna Silahlı qüvvələrinin Şərq qrupu paylaşıb. Bildirilib ki, Baxmutubn şimalında yeni qüvvələrin konsentrasiyası Rusiyanın Donetskdə möhkəmlənmək niyyətindən və yeni hücumlardan xəbər verir. Məlumata görə, Liman və Kupianskda hazırda 120 min Rusiya qoşunu var. Yeni qüvvələrin gəlməsi ilə bu rəqəm 300 minə çatacaq. Ukrayna ordusunun məlumatına görə Baxmut cəbhəsində isə 50 min Rusiya hərbçisi yerləşdirilib. Qeyd edək ki, Liman və Kupiansk Baxmutdan 100 kilometr şimalda yerləşirlər.