Türkiyə DİN: İyun ayında 65 terrorçu zərərsizləşdirilib

Türkiyədə son bir ayda zərərsizləşdirilən terrorçuların sayı açıqlanıb.

"Operativ Media" xəbər verir ki, bu barədə Türkiyə daxili işlər naziri Ali Yerlikaya sosial media hesabından açıqlama verib.

O, iyun ayında 65 terrorçunun zərərsizləşdirildiyi barədə məlumat paylaşıb.

O, ötən ay terrora qarşı 43-ü iri və orta olmaqla ümumilikdə 13138 əməliyyatın həyata keçirildiyini bildirib.

Bu əməliyyatlar zamanı 418 nəfər saxlanılıb, 112 nəfər həbs edilib.