ABŞ-də növbəti dəfə silahlı hücum baş verib: 3 ölü, 8 yaralı

ABŞ-nin Texas ştatında festival iştirakçılarını hədəf alan silahlı hücumda 3 nəfər ölüb, 8 nəfər yaralanıb.

"Operativ Media" xəbər verir ki, yerli televiziyaya danışan polis rəsmilərinin verdiyi məlumata görə, atışma dünən axşam Texas ştatının Fort-Uort şəhərinin cənub-qərbindəki Komo məhəlləsində baş verib.

Adıçəkilən məhəllədə hər il keçirilən "ComoFest" festivalının iştirakçılarını hədəf alan silahlı hücumda 3 nəfər həyatını itirib, 8 nəfər yaralanıb.

Hücumda neçə nəfərin iştirak etdiyi bilinmir. Hələlik heç kim saxlanılmayıb.