Taliban ŞƏT-in sammitlərində iştirak etmək hüququnun olduğunu açıqlayıb

Əfqanıstanda hakimiyyəti ələ keçirmiş radikal hərəkat Taliban təmsil etdiyi ölkənin Şanxay Əməkdaşlıq Təşkilatının (ŞƏT) sammitlərində iştirak etmək hüququna malik olduğunu açıqlayıb.

"Operativ Media" xəbər verir ki, bu barədə Taliban Xarici İşlər Nazirliyi bildirib.

"Əfqanıstan İslam Əmirliyi regional təhlükəsizliyin təmin edilməsi və əməkdaşlığın inkişafı üçün koordinasiyanın yaxşılaşdırılması üçün bu cür görüşləri alqışlayır və Əfqanıstanın (təşkilatda müşahidəçi qismində) bu görüşlərdə iştirakının özünün qanuni hüquqları çərçivəsində olduğunu hesab edir", - nazirlik bildirib.