Xarici işlər naziri Hakan Fidan Bakıda İraq, Küveyt və Əlcəzairin xarici işlər nazirləri ilə ayrı-ayrılıqda görüşüb.

"Operativ Media" xəbər verir ki, Türkiyə Xarici İşlər Nazirliyinin “Twitter” hesabından edilən paylaşımda Bakıda keçirilən Qoşulmama Hərəkatının Əlaqələndirmə Bürosunun Nazirlər görüşü çərçivəsində nazir Fidanın üç həmkarı ilə keçirdiyi görüşlərdən fotolar yer alıb.

Paylaşımda Fidanın İraqın xarici işlər naziri Fuad Hüseyn, Küveytin xarici işlər naziri Şeyx Salem Abdullah Əl-Cabir Əl-Sabah və Əlcəzairin xarici işlər naziri Əhməd Attaf ilə ayrı-ayrılıqda görüşdüyü açıqlanıb. Lakin görüşlərin detalları barədə əlavə məlumat verilməyib.