Təl-Əviv küçələrində məhkəmə islahatlarına qarşı kütləvi etirazlar yenidən alovlanıb.

"Operativ Media" xəbər verir ki, şəhərin polis rəisi Ami Eşedin “siyasi təzyiq altında” vəzifədən getdiyini açıqlaması vəziyəti daha da gərginləşdirib. Etirazçılar gecə saatlarında Ayalon magistralını bağlayıblar. Nəticədə şəhərin mərkəzi küçələrində tıxaclar yaranıb. Bu zaman sürücülərdən biri avtomobilini kütlənin içinə sürüb. Hadisə nəticəsində bir neçə etirazçı xəsarət alıb. Polis nəqliyyatın hərəkətini bərpa etmək üçün aksiyanı dağıtmağa çalışıb. Etirazçılara qarşı su şırnaqlarından istifadə edilib.