Zelenski: "200 min oğurlanmış uşağımızın harada olduğunu bilmirik"

Ukrayna prezidenti Zelenski Sofiyaya səfəri çərçivəsində Bolqarıstanın baş naziri Nikolay Denkov, xarici işlər naziri Mariya Qabriel və hökumət üzvləri ilə görüşüb.

"Operativ Media" xəbər verir ki, görüşdən sonra Zelenski baş nazir Denkov ilə mətbuata açıqlama verərək Rusiyanın Ukrayna xalqına qarşı “soyqırımı” törətdiyini bildirib.

Ukrayna prezidenti Volodimir Zelenski rusların ukraynalı uşaqları oğurladığını bildirib.

“Biz qaçırılan 200 min uşağımızın harada olduğunu bilmirik”, - Zelenski deyib.

“Buradan təxminən min kilometr aralıda Rusiya işğalçı ordusu şəhər və kəndlərimizi atəşə tutur. Vətəndaşlarımızın rahatlığı yoxdur”, - deyə Zelenski bildirib.