Lukaşenko: Müsəlmanlara qarşı təcavüz axmaqlıqdır

"İsveçdə Qurani-Kərimin yandırılması ilə müsəlmanlara qarşı edilən təcavüz "axmaqlıqdır".

"Operativ Media" xəbər verir ki, bunu Belarus prezidenti Aleksandr Lukaşenko bildirib. 

Belarus prezidenti Aleksandr Lukaşenko paytaxt Minskdə yerli və xarici jurnalistlərin suallarını cavablandırıb.

Lukaşenko İraq əsilli Salvan Momikanın İsveçin paytaxtı Stokholmda Qurani-Kərimi yandırmasına toxunub:

"Müsəlmanlara qarşı aqressiya axmaqlıqdır. Niyə bunu hakimiyyətin himayəsi altında etmək lazımdır? İsveç hökuməti buna mane ola bilməzdimi? Ola bilərdi. Amma bunun qanuni olduğunu dedilər. Ona görə də problemlər yaratmağa ehtiyac yoxdur, çünki bu, vətəndaş müharibəsinə səbəb ola bilər”.