Los-Anceles yaxınlığında şəxsi təyyarə qəzaya uğrayıb, 6 nəfər ölüb

ABŞ-nin Kaliforniya ştatının Los-Anceles şəhəri yaxınlığındakı hava limanında şəxsi təyyarənin qəzaya uğraması nəticəsində 6 nəfər həlak olub.

"Operativ Media" xəbər verir ki, Federal Aviasiya İdarəsindən verilən açıqlamada təyyarənin qəzaya uğramasından dərhal sonra alovlandığı və təyyarədə olan 6 nəfərin hadisə yerində öldüyü bildirilib. 

Las-Veqasdan yola düşdüyü bildirilən "Cessna C550" tipli şəxsi təyyarənin saat 04:15 radələrində qəzaya uğradığı açıqlanıb.

Həyatını itirənlərlə bağlı təfərrüat verilməsə də, Federal Aviasiya İdarəsi və Milli Nəqliyyat Təhlükəsizliyi Şurası qəza ilə bağlı araşdırma başladıb.