Rostov vilayətindəki hava hücumundan müdafiə qüvvələri Rostovun Donetsk və Kamensk arasında yerləşən bölgədə Ukraynaya məxsus raketi vurub.

"Operativ Media" xəbər verir ki, bu barədə bölgənin qubernatoru Vasili Qolubev məlumat verib, itkilərin olmadığını bildirib.

"Bizim hava hücumundan müdafiə sistemimiz bu gün günorta saatlarında sürətlə işləyib. Ukrayna raketi Kamensk və Donetsk arasındakı ərazidə vurulub. İtki yoxdur. Parçalar bir neçə binanın damına qismən ziyan vurub", - o, teleqram kanalında yazıb.

Bundan əvvəl Rostov vilayətinin Donetsk administrasiyasının rəhbəri Roman Kurayev teleqram vasitəsilə briqadaların dağıntıları aradan qaldırmağa başlayacağını bildirmişdi.