Lavrov və Fidan arasındakı telefon danışığının təfərrüatları bəlli olub

"Kiyevə silah tədarükünün davam etdirilməsi dağıdıcıdır".

"Operativ Media" xəbər verir ki, bu barədə Rusiyanın xarici işlər naziri Sergey Lavrov türkiyəli həmkarı Hakan Fidanla telefon danışığından sonra bildirib.

"Ankaranın diqqəti Kiyev rejiminə silah tədarükünün davam etdirilməsi istiqamətində kursun dağıdıcılığına yönəldilib. Bu cür addımların yalnız mənfi nəticələrə səbəb ola biləcəyi vurğulanıb", - Rusiya XİN bildirib.

Ukraynanın “Azov” batalyonunun komandirlərinin Ukraynaya qaytarılması Lavrovla Fidan arasında telefon danışığı mövzularından biri olub: "Tərəflər Ukrayna ətrafında baş verən son hadisələr, o cümlədən Azov komandirlərinin İstanbuldan Kiyevə qayıtması ilə bağlı vəziyyətlə bağlı regional gündəliyə dair fikir mübadiləsi aparıblar".

Nazirliyin məlumatına görə, Lavrov və Fidan ölkələri arasında münasibətlərdə etimadın gücləndirilməsinin vacibliyini bir daha vurğulayıblar: “Nazirlər prezidentlər Vladimir Putin və Rəcəb Tayyib Ərdoğan arasında prinsipial razılaşmalar əsasında Moskva ilə Ankara arasında etimada əsaslanan münasibətlərin qorunub saxlanılması və möhkəmləndirilməsinin zəruriliyini bir daha vurğulayıblar”.

“Tərəflər, həmçinin Qərb dövlətlərinin Birləşmiş Millətlər Təşkilatı Baş katibinin “taxıl təşəbbüsünün” həyata keçirilməsi üçün zəruri addımlar ata bilməməsi şəraitində qlobal ərzaq təhlükəsizliyinin təmin edilməsi ilə bağlı məsələlər üzrə gələcək əməkdaşlığın perspektivlərinə toxunublar”, - nazirlikdən əlavə edilib. 

Fidan və Lavrov həmçinin ikitərəfli əməkdaşlığın bir sıra aspektlərini, o cümlədən gələcək ünsiyyət cədvəlini müzakirə ediblər.

Telefon danışığı Türkiyə tərəfinin təşəbbüsü ilə baş tutub.