"Sabah" və "Neftçi"nin Konfrans Liqasının II təsnifat mərhələsində qələbə qazanması Azərbaycanın UEFA reytinqində xal ehtiyatını artırıb.

"Operativ Media" xəbər verir ki, hər iki komandanın zəfəri üçün ölkəmizin aktivinə 0,500 xal yazılıb. Azərbaycan hazırda 15 min 750 xalla 29-cu pillədədir.

28-ci 16 min 500 xalla Slovakiyadır. 30-cu pillədə isə 12 min 125 xalla Moldova qərarlaşıb.

"Sabah" RFŞ-ni (Latviya), "Neftçi" isə "Jelezniçar"ı (Bosniya və Herseqovina) məğlub edib. Komandalar müvafiq olaraq 2:1 və 2:0 hesablı qələbə qazanıb.