Almaniyanın Aşağı Saksoniya əyalətinin Gifhorn şəhəri yaxınlığında iki yük qatarı naməlum səbəbdən toqquşub.

"Operativ Media" Alman Xəbər Agentliyi DPA-ya istinadən xəbər verir ki, yük qatarı öndən gələn və “dayan siqnalı”nı izləyən başqa bir yük qatarına çırpılıb.

Xəbərdə, arxada propan qazı daşıyan və 25 vaqondan ibarət qatarın maşinistinin yaralanaraq xəstəxanaya aparıldığı, qarşıdakı qatarın maşinistinin isə yüngül xəsarət aldığı bildirilib.

Toqquşma nəticəsində bəzi vaqonların relsdən çıxaraq aşdığı, iki vaqondan propan qazının sızdığı bildirilib.

Xəbərdə qəzanın meşəlik ərazidə baş verdiyi üçün insanlar üçün təhlükə yaratmadığı qeyd edilib.