Ağ Evdə hələ ki, Çin və ABŞ liderləri arasında mümkün görüş barədə məlumat yoxdur

"Ağ Evdə hazırda Çin prezidenti Si Tsinpinlə ABŞ prezidenti Co Bayden arasında mümkün görüş barədə məlumat yoxdur". 

"Operativ Media" xəbər verir ki, bu barədə Ağ Evin mətbuat katibi Karine Jan-Pyer brifinqdə bildirib.

"Prezidentin planlaşdırılan hər hansı görüşləri barədə deyəcək heç nə yoxdur", - Jan-Pyer Bayden və Tsinpin arasında görüş ehtimalı ilə bağlı sualı cavablandırarkən deyib.

Eyni zamanda o, Baydenin belə bir görüşdə maraqlı olduğunu xatırladıb. Ağ Evin sözçüsü ABŞ-nin Çinlə qarşıdurma yaratmağa çalışmadığına da işarə edib.