Ərdoğan Maskın TEKNOFEST-ə qatılmaq qərarına münasibət bildirib

"Hörmətli İlon Mask, sizi gələn il dünyanın ən böyük aviasiya, kosmos və texnologiya festivalı olan TEKNOFEST-də görməkdən çox məmnun olacağıq".

"Operativ Media" xəbər verir ki, bunu Türkiyə Prezidenti Rəcəb Tayyib Ərdoğan sosial media hesabından SpaceX və Tesla şirkətlərinin icraçı direktoru İlon Maskın gələn il Türkiyədə keçiriləcək TEKNOFEST-ə qatılmaq barədə qərarına münasibət bildirərkən qeyd edib:

"İnanıram ki, qazan-qazan yanaşması ilə əməkdaşlıq edərək bir çox sahələrdə ölkəmizə və bəşəriyyətə böyük töhfələr verəcəyik.

Tezliklə yenidən görüşmək ümidi ilə..." - Ərdoğan əlavə edib.