Türkiyə parlamenti terror aktına baxmayaraq işini bərpa edəcək

Türkiyə prezidentinin baş müşaviri Akif Çağatay Kılıç yaxınlıqda baş verən terror aktına baxmayaraq parlamentin bazar günü planlaşdırıldığı kimi işinə davam edəcəyini bildirib.

"Operativ Media" xəbər verir ki, o, bu barədə "X"də yazıb.

"Parlamentin açılışını təxirə salmaqdan söhbət gedə bilməz", - Kılıç qeyd edib.

Qeyd edək ki, bu gün Respublika parlamenti yay tətilindən sonra işini bərpa etməlidir. Açılışda prezident Rəcəb Tayyib Ərdoğan da çıxış edəcək.