Latviya 3,2 mindən çox Rusiya vətəndaşını deportasiya edə bilər

Latviyada Rusiya Federasiyasının 3,2 mindən çox vətəndaşına ölkədən mümkün deportasiya ilə bağlı xəbərdarlıq edilib.

"Operativ Media" "Sputnik"ə istinadən xəbər verir ki, Miqrasiya Xidməti Latviya dili imtahanından keçməyən 3255 rusiyalıya yaşayış icazəsi üçün müraciət etməli və ya ölkəni tərk etməli olduqlarını yazılı şəkildə bildirib.

Latviyanın Vətəndaşlıq və Miqrasiya Məsələləri İdarəsinin rəhbəri Maira Rouz “Heç nə etməyənlər getməlidirlər” deyə bildirib.

Ruslara dekabr ayına qədər vaxt verilib, miqrasiya xidmətinə sənəd təqdim etməyənlərin məlumatları daha sonra Dövlət Sərhəd Mühafizəsinə göndəriləcək.