Orban İspaniyada Zelenski ilə görüşüb

Macarıstanın baş naziri Viktor Orban İspaniyanın Qranada şəhərində Avropa Siyasi Birliyinin sammiti çərçivəsində Ukrayna prezidenti Volodimir Zelenski ilə qısa söhbət edib. 

"Operativ Media" xəbər verir ki, bu barədə Macarıstan mediasında məlumat yayılıb.

Söhbətdə İspaniyanın baş naziri vəzifəsini icra edən Pedro Sançes də iştirak edib. Yaxınlıqda Serbiya prezidenti Aleksandr Vuçiç də olub.

İki lider arasında son görüş fevral ayında Aİ-nin Zelenskinin dəvət olunduğu Brüsseldə keçirilən sammiti zamanı baş tutub. Bundan sonra Orban təsdiqləyib ki, Macarıstan Ukraynaya humanitar və maliyyə yardımı göstərməyə davam edəcək, lakin silah tədarükünə qarşıdır və dərhal atəşkəsə çağırır.