Putin: Rusiya-Çin əməkdaşlığı qlobal sabitliyin mühüm amilidir

"Rusiya-Çin əməkdaşlığı “qlobal sabitliyin mühüm amilidir” və Moskva Qərbin “qarşıdurma” siyasətinə qarşı Pekin ilə təhlükəsizlik və iqtisadiyyat sahəsində əməkdaşlığı artıracaq".

"Operativ Media" xəbər verir ki, bunu Rusiya prezidenti Vladimir Putin bildirib.

Rusiya prezidenti Vladimir Putin Soçidə keçirilən Beynəlxalq Valday Klubunun toplantısında cari məsələlərlə bağlı sualları cavablandırıb.

Putin ABŞ-nin Çinlə bağlı siyasətinin Pekinin artan gücündən qaynaqlanan “geosiyasi qorxular” üzərində qurulduğunu, Qərbin hegemonluğunu qorumaq üçün bloklar yaratmaq səyinin dünyada sülhü təhdid etdiyini vurğulayıb: "Rusiya və Çin arasındakı əməkdaşlıq, əlbəttə ki, dünyada vacibdir. Bu, sabitləşdirici amil kimi çıxış edir".