İran və Türkiyənin xarici işlər nazirləri Fələstin-İsrail münaqişəsini müzakirə ediblər

Türkiyənin xarici işlər naziri Hakan Fidan İranlı həmkarı Hüseyn Əmir Abdullahiyan ilə telefon danışığı olub. 

"Operativ Media" xəbər verir ki, tərəflər son günlər İsrail-Fələstin xəttində davam edən gərginliyi müzakirə ediblər. 

"Fələstinin müqavimət aksiyası kortəbii bir hərəkətdir və İsrailin Fələstinə qarşı davam edən cinayətlərinin nəticəsidir", - Abdullahiyan qeyd edib.

Bundan əvvəl İran Fələstinin Həmas qruplaşmasının İsrailə qarşı hərəkətlərini dəstəklədiyini bildirib.

Öz növbəsində Hakan Fidan İsrail və Fələstində baş verən zorakılıq və gərginlikdən dərin narahat olduqlarını bildirib.